مرحباً بكم هذه قصة حب مميزة وجديدة ولكن ليس حبيب لمحبوبة
ولكن حب الاباء للابناء وتأثيرة علي تربية صحيحة تفضل واقراء
 |
| صورة توضيحية لكيفية تربية الابناء بأستخدام العنف وليس الحب |
مش هيحصلك حاجة لما ابنك يبقى عايز يتفرج على الكارتون بتاعه على كارتون
نيتوورك عشان هو مستنيه، ممكن تشوف الماتش بره أو عالنت أو اقعد اتفرج
معاه يا سيدي شوية.
مش لازم لو جاب 48 من 50 تحرمه من المصروف،
قُله لو جبت عالأقل 45 هشتريلك شوكولاتة، بلاش تربية قايمة عالترهيب يعني،
التشجيع بيجيب نتيجة أحسن.
مفيهاش حاجة لو الضيوف جايبين علبة جاتوه
وحطوها عالسفرة وهو حاول يفتحها، متبرقليهوش ويفضل قاعد مستني ايه اللي
هيحصل فيه بعد ما يمشوا، متطلعيهوش جبان، بعد كدة قوليله بينك وبينه إنه
عيب يعمل كدة مع إنها عادي يعني ده جاتوه.
بلاش "ده مطلع عيني"
"ده حيوان"
"ده....ده عيل جزمة"
"دي عيلة مش متربية"
"أهو قاعد مبيعملش حاجة غير إنه ياخد فلوس"
والتقليل من عيالك قدام الناس طول الوقت، مهياش روشنة لما تطلعه وحش
قدامهم، مفيش حاجة اسمها عشان مياخدش قلم في نفسه، مفيش حاجة اسمها عشان
الحسد، ابنك لو بتطلعه بالصورة دي قدام الغُرب فا هو عيب في حقك انت قبليه،
قول كلام حلو وامدح فيهم وهما صغيرين قدام الناس، خليه يطلع واثق في نفسه،
بلاش تربي إنسكيور.
كسر الفازة مش لازم تكسري دماغه، عادي يعني
انتي مربية طفل مش سبونجبوب، بلاش تولدي إحساس خوفك عالفازة أكتر من خوفك
عليه هو إنه كان ممكن يتعور، حسسيه إنك خايفة عليه وقوليله خلي بالك عشان
متعورش نفسك بعد كدة، مش لو كسرت حاجة تاني هكسر دماغك، يا سادية يا وسخة.
لما توديه المدرسة قول للمدرس "لو مديت ايدك عليه هقطعهالك" مش "اعتبره
ابنك وافرمه لو عمل حاجة" ده ابنك مش خروف حسسه إنك خايف عليه، لو جاب
درجات وحشة ساعده بالراحة يحسنها، كافئه أكتر ما تعاقبه.
متضربوش، مترفعيش عليه الشبشب، متقلعلوش الحزام، دي أساليب تعذيب أطفال مش أساليب تربية، هيكرهك كره طبيعي صعب يتعدل.
الكمبيوتر مش ترفيه عشان تسيبهوله ساعتين كل يوم خميس بعد المذاكرة،
الكمبيوتر أهم من المذاكرة، انسى إنه مجرد حاجة بنلعب عليها Jazz أو Claw،
أنا اتعلمت إزاي أربط الكرافتة منه قبل مناسبة بنُص ساعة.
التربية
مش فرد عضلات عليهم، ابنك غالبا بيبقى الفرق بينك وبينه 25 سنة، فرق جيل
بحاله، ضيّق الفرق ده وخليه يكاد يكون مش موجود، مش توسعه وتخليه 50 سنة
وترجعوا تندموا من معاملتهم ليكوا لما تكبروا.
يمكنك متابعة المزيد من
قصص حب علي موقعنا
كان في هذه الموضوع قصة حب الاباء وكيفية التربية الصحيحة لهم
في امان الله